07-May-2018

Te Kōwhiringa Pōti Māori 2018

He wā te Kōwhiringa Pōti Māori e kōwhiri ai ngā tāngata uri Māori kua rēhita ki te pōti ko tēhea te rārangi pōti mōna, arā, te rārangi Whānui, te rārangi Māori rānei. 

He kōwhiringa hira tēnei. He pānga tēnei ki te hunga hei pōti māu kia noho māngai mōu me tō rohe ki te Pāremata. 

Ka haere te Kōwhiringa Pōti Māori atu i te 3 o Paengawhāwhā ki te 2 o Hereturikōkā 2018. Heoi anō te wā e āhei anō koe ki te huri rārangi pōti ko te Kōwhiringa Pōti Māori o te tau 2024. 

Mēnā he whakapapa Māori tōu, ā, kua rēhita koe ki te pōti, ka tonoa he mōkī ki a koe mā te mēra hei te tīmatanga o Paengawhāwhā. 

Ki te pai ki a koe tō momo rārangi pōti, kāore he paku aha māu. Mēnā kei te hiahia koe ki te huri rārangi pōti, me waitohu me te tuhi i te rā ki runga i te reta kei roto i te mōkī ka whakahoki mai. Ki te ngaro tō reta ka taea te whakamahi puka rēhita kia whakarerekēngia tō rārangi pōti. 

Mēnā kāore koe i whiwhi i tētahi mōkī i rō mēra, tērā pea kāore i te rēhita, he tawhito rānei ō taipitopito wāhi noho, kāore rānei mātau i te mōhio he uri Māori koe. 

Me whakakī e koe tētahi puka rēhita hōu. Me whakatau i tō kōwhiringa hei te 2 o Hereturikōkā

Mo ētahi atu kōrero mō te Kōwhiringa Pōti Māori, te whiwhi puka rēhita rānei, haere ki maorioption.org.nz, waea rānei ki 0800 36 76 56.